লিখিব নোৱাৰা কথাবোৰেই যদি কবিতা হয় !
আচলতে বহু কথাই থাকে
যিবোৰ নিলিখাকৈয়েই ৰৈ যায়
বুকুৰ পাতত ......
মই যে নিৰুদ্দেশ...
এইকথা বাৰু কেইজনে জানে ?
যিয়ে জানে তেওঁ বা তাই মোৰ
বুকুৰ সহোদৰ
সেইকথা লিখা আছে
সৰাপাতৰ ভাঁজে-ভাঁজে ......
আৰু নিলিখোঁ
কাৰণ মই কবি হ'ব নিবিচাৰোঁ
মই ৰৈ যাব বিচাৰোঁ
তোমাৰ অথবা আপোনাৰ
বুকুৰ হৃদপিণ্ডত ......
বিঃদ্ৰঃ- হৃদপিণ্ড বানান "ণই ডই - ণ্ড" । "ন" (ন্ড) নহয় । কাৰণ "ন" হ'লেই মই আৰু তোমাৰ অথবা আপোনাৰ মাজত অনেক পাৰ্থক্য হ'ব ।
0 
Star